മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി (MGNREGS)
ലക്ഷ്യം: ഗ്രാമപ്രദേശങ്ങളിലെ ജനങ്ങളുടെ ഉപജീവന സുരക്ഷ വർദ്ധിപ്പിക്കുന്നതിനായി, അവിദഗ്ദ്ധ കായികാധ്വാനത്തിന് തയ്യാറുള്ള ഓരോ ഗ്രാമീണ കുടുംബത്തിനും ഒരു സാമ്പത്തിക വർഷത്തിൽ കുറഞ്ഞത് 100 ദിവസത്തെ വേതനത്തോടുകൂടിയ തൊഴിൽ ഉറപ്പാക്കുക എന്നതാണ് ഈ പദ്ധതിയുടെ പ്രധാന ലക്ഷ്യം.
പ്രധാന സവിശേഷതകൾ
നിയമപരമായ തൊഴിൽ അവകാശം: തൊഴിൽ കാർഡിനായി അപേക്ഷിച്ച് 15 ദിവസത്തിനകം തൊഴിൽ നൽകാൻ പദ്ധതി വിഭാവനം ചെയ്യുന്നു.
വനിതാ പങ്കാളിത്തം: സ്ത്രീ ശാക്തീകരണം ലക്ഷ്യമിട്ട് പദ്ധതിയിലെ ഗുണഭോക്താക്കളിൽ വലിയൊരു പങ്ക് വനിതകൾക്കായി മാറ്റിവെച്ചിരിക്കുന്നു.
വേതനം ബാങ്ക് അക്കൗണ്ട് വഴി: ഇടനിലക്കാരുടെ ചൂഷണം ഒഴിവാക്കാൻ തൊഴിലാളികളുടെ വേതനം നേരിട്ട് അവരുടെ ബാങ്ക്/പോസ്റ്റ് ഓഫീസ് അക്കൗണ്ടുകളിലേക്ക് ലഭ്യമാക്കുന്നു.
തദ്ദേശീയ ആസൂത്രണം: വാർഡ് സഭകളുടെയും ഗ്രാമസഭകളുടെയും നിർദ്ദേശപ്രകാരം പഞ്ചായത്തുകളാണ് ഓരോ വർഷവും ചെയ്യേണ്ട പ്രവൃത്തികൾ തിരഞ്ഞെടുക്കുന്നതും നടപ്പിലാക്കുന്നതും.
കണിച്ചാർ പഞ്ചായത്തിലെ പ്രധാന പ്രവർത്തനങ്ങൾ
ഞങ്ങളുടെ പഞ്ചായത്തിൽ തൊഴിലുറപ്പ് പദ്ധതിയിലൂടെ പ്രാദേശിക വികസനത്തിനും പരിസ്ഥിതി സംരക്ഷണത്തിനും മുൻഗണന നൽകുന്ന താഴെ പറയുന്ന പ്രവൃത്തികൾ വിജയകരമായി നടപ്പിലാക്കി വരുന്നു:
ജലസംരക്ഷണം: തോടുകൾ പുനരുജ്ജീവിപ്പിക്കൽ, മഴക്കുഴികൾ നിർമ്മാണം, കിണർ റീചാർജ്ജിംഗ്, കുളങ്ങൾ നിർമ്മിക്കലും നവീകരിക്കലും.
മണ്ണ് സംരക്ഷണം: കയ്യാലകൾ കെട്ടൽ, കല്ല് വരമ്പുകൾ, തട്ടുതിരിക്കൽ എന്നിവയിലൂടെ മണ്ണൊലിപ്പ് തടയൽ.
കാർഷിക അനുബന്ധ പ്രവൃത്തികൾ: പൊതു/സ്വകാര്യ ഭൂമിയിലെ വൃക്ഷത്തൈ നടീൽ, ഫലവൃക്ഷത്തോട്ട നിർമ്മാണം, കമ്പോസ്റ്റ് കുഴികൾ, ആട്ടിൻകൂട്, കോഴിക്കൂട്, പശുത്തൊഴുത്ത് എന്നിവയുടെ നിർമ്മാണത്തിനുള്ള സഹായം.
ഗ്രാമീണ അടിസ്ഥാന സൗകര്യങ്ങൾ: ഗ്രാമീണ റോഡുകളുടെ നിർമ്മാണവും കോൺക്രീറ്റിംഗും, അങ്കണവാടികളുടെ നിർമ്മാണം.
തൊഴിൽ കാർഡ് (Job Card) ലഭിക്കുന്നതിനുള്ള യോഗ്യതകൾ
അപേക്ഷകർ ഗ്രാമപഞ്ചായത്തിലെ സ്ഥിരതാമസക്കാരായിരിക്കണം.
പ്രായപൂർത്തിയായ (18 വയസ്സ് തികഞ്ഞ) അംഗങ്ങളായിരിക്കണം.
അവിദഗ്ദ്ധ കായികാധ്വാനത്തിൽ ഏർപ്പെടാൻ സന്നദ്ധരായിരിക്കണം.
അപേക്ഷിക്കേണ്ട വിധം: താല്പര്യമുള്ള കുടുംബങ്ങൾ വെള്ളക്കടലാസിലോ നിശ്ചിത ഫോമിലോ അപേക്ഷ തയ്യാറാക്കി റേഷൻ കാർഡ്, ആധാർ കാർഡ്, ബാങ്ക് പാസ്ബുക്ക്, ഫോട്ടോ എന്നിവ സഹിതം അതത് വാർഡ് മെമ്പർ വഴിയോ നേരിട്ടോ ഗ്രാമപഞ്ചായത്ത് ഓഫീസിൽ അപേക്ഷിക്കണം.
കൂടുതൽ വിവരങ്ങൾക്ക് ബന്ധപ്പെടുക:
തൊഴിലുറപ്പ് വിഭാഗം ഓഫീസർമാർ:
1 അഖിൽ കെ അക്രഡിറ്റഡ് എഞ്ചിനീയർ 8921242131 2 അമ്പിളി മാത്യു അക്കൌണ്ടന്റ് കം ഐറ്റി എക്സ്പേർട്ട് 9947243535 3 മഞ്ജു ടി.ടി അക്കൌണ്ടന്റ് കം ഐറ്റി എക്സ്പേർട്ട് 6282699732 4 അനിൽ കെ ഓവർസീയർ 9495690836 5 ആൽവിൻ പി ജോസ് ഓവർസീയർ 7592042519 ഇമെയിൽ: mgnregskanichar@gmail.com